នៅព្រឹកថ្ងៃចន្ទ ទី២៦ ខែមិថុនា ឆ្នាំ២០២៣ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ និងលោកជំទាវ មុំ សណ្ដាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចូលរួមជាមួយលោកជំទាវ ទូច សារ៉ុម រដ្ឋលេខាធិការក្រសួងធម្មការ និងសាសនា សហការជាមួយ ព្រះសុមេធវង្សបណ្ឌិត សុខ ប៊ុនធឿន ព្រះគ្រូអនុគណខណ្ឌមានជ័យ បានរៀបចំកម្មវិធីជួបសំណេះសំណាលជាមួយព្រះសង្ឃ គណៈកម្មការអាចារ្យវត្ត សីលវ័ន្ត សីលវតី និងសិស្ស និស្សិតស្នាក់នៅទាំង០៨វត្ត សរុបចំនួន ១៨៤អង្គ/នាក់ ស្ថិតនៅសាលាអនុគណខណ្ឌមានជ័យ វត្តនន្ទមុនី។ ការពង្រឹងការងារព្រះពុទ្ធសាសនា គោលការណ៍រក្សាសន្តិសុខតាមបណ្ដាវត្ត ដើម្បីរក្សាសុវត្ថិភាពក្នុងការកាន់ព្រះវស្សា សភាពការណ៍ជាតិ និងអន្តរជាតិ ពិសេសគណៈកម្មការអាចារ្យ សីលវ័ន្ត សីលវតី ដែលមានឈ្មោះក្នុងបញ្ជីបោះឆ្នោត គ ជ ប សូមទៅបោះឆ្នោតថ្នាក់ជាតិនៅថ្ងៃទី២៣ ខែកក្កដា ឆ្នាំ២០២៣ ខាងមុខ ឱ្យបានគ្រប់ៗគ្នា ដោយផ្ដល់ការទុកចិត្តចំពោះអ្នកដែលបាននាំមកនូវសន្តិភាព និងការអភិវឌ្ឍប្រទសជាតិឱ្យមានការរីកចម្រើន។
